Torsdag 30.september - Søndag 3.oktober
Tidleg avreise frå Bergen og vi får med oss sola som står opp over Hallinskarvet og Skarveheimen! Vêret er, som vanleg, på vår side - solskinnsklassen som vi er!
Litt kaldt er det å sitte iro eit par timar med undervisning før vi får starte på turen innover i fjellheimen. Vi er delt inn i grupper på 4 som har planlagt kvar vår tur over dei neste to dagane før vi skal samlast på Fødalstangen heile gjengen.
Første leirplass, vi kom ikkje so langt som vi hadde tenkt, men vi var einige om at denna leirplassen nok var mykje betre enn den planlagte. Vi hadde skikklig fin utsikt over Mjolgedalen, og ut på kvelden såg vi flammane frå eit bål på andre sida av dalen ;)
Dag to var veiret ikkje heilt med oss lenger, det var kaldt og snøen dala eller kom fykande! Men vi fekk oss ein liten "topptur" før vi rusla vidare for å møte Øystein (lærar). Der hadde vi ein lunsjpause og litt prat før gjekk vidare ei heilt ny rute nedover til Fødalen!
Nedover til her møtte vi ein stor reinsdyrbukk! Wæ.. vi visste ikkje heilt om vi skulle vere redde eller ikkje... vi valgte å bli litt redde og å halde oss så langt vekke frå den som mogeleg. Fekk kontroll på hondane og etter ei nervepirrande stond fann bukken endeleg ut at den skulle stikke.. pjuhh!
Etter å ha gått i all evighet kom vi endeleg fram til der vi hadde tenkt å slå leir, men plassen vår va opptatt! Så då vakje det anna å gjere enn å vandre vidare. Til slutt endte vi på Fødalstangen og det va no eigentleg greit sia vi likevel skulle hit dagen etter. Vi sette opp telta, hadde ein liten yogapause før middag og teltkos til langt på kveld!
Dagen etter kom resten av gjengen. Slo opp telta og så var det litt underholdning og undervisning, orientering og eit par springeturar opp og ned ein liten bakke for å halde varmen! Brr...
På kvelden/natta fekk dei som ville lov å pakke saman sekkar og telt og orientere seg til Iungedalshytta som ligg ca 1t marsj frå Fødalstangen. Sjølvsagt vil vi det! ;)
Marita, Toril, Ulrike og meg gjekk av gårde... med haudelykter og på kompasskurs i skikkeleg snøstorm brukte vi ca 2 timar på å finne fram til hytta. Spennande opplevelse!
Vi kom fram, fikk satt opp teltet på den minst gjørmete plassen vi fann og pakka oss inn i teltet for ei god natts søvn! Det å vakne opp i eit gjørmehav, til ein tom bensinkanne, regnveir og bitande kulde ga oss ikkje akkurat lykkerus! To litt apatiske jenter (meg og Marita) stilte oss like greit rett opp og ned heilt inntil hytteveggen og ja.. visste ikkje heilt kva vi skulle gjere! Men redninga var eit par snille karar i naboteltet som forbarma seg over oss og kokte litt varmt vatn! TAKK! Det hjalp og pittelitt å ta ein titt inn i teltet til Silje, Anne Marte og Toril.. hihi.. DER var det skikkeleg gjørmebad!
Resten av dagen fekk vi sitte inne i ei varm steinhytte med undervisning og kos, før vi vandra den timeslange turen tilbake til bilane!
